సాంస్కృతిక, సాహిత్య విభాగాల్లో తెలుగు భాష గౌరవాన్ని, వైభవాన్ని మరింత బలోపేతం, అభివృద్ధి చేయడానికి ఆంధ్ర సారస్వత పరిషత్ కృషి చేస్తోంది. ఇందుకోసం అంతర్జాతీయ సదస్సులు, సాంస్కృతిక‌ కార్యక్రమాలను నిర్వహిస్తోంది. ఆంధ్ర ప్రదేశ్ లోని పశ్చిమ గోదావరి జిల్లా, భీమవరంలోని వెస్ట్ బెర్రీ ఉన్నత పాఠశాల ప్రాంగణంలో జనవరి 6-8, 2022 వరకు ఈ కార్యక్రమాలను నిర్వహించనుంది.

ఈ కార్యక్రమాలను పర్యవేక్షించడానికి, విజయవంతం చేయడానికి ఉత్సవ కమిటీని ఏర్పాటు చేశాం. సాహిత్య వేత్తలు, కళాకారులు, తెలుగు సంఘాల ప్రతినిధులు, తెలుగు పుస్తకాల ప్రచురణ సంస్థల ప్రతినిధులు ఈ కార్యక్రమాల్లో చురుగ్గా పాల్గొని వివిధ అంశాలపై చర్చిస్తారని ఆశిస్తున్నాం. మేం నిర్వహించే సదస్సులో పాల్గొని వారి విలువైన సూచనలను, సలహాలను అందిస్తారని భావిస్తున్నాం. మీరిచ్చే సూచనలు మేం సరైన మార్గంలో పయనించేందుకు అవసరమైన మార్గ దర్శకత్వాన్ని అందిస్తాయి.