మన గౌరవనీయ ప్రధాన మంత్రి శ్రీ నరేంద్ర మోదీ గారు ప్రతిపాదించిన నూతన విద్యా విధానం మాకు స్ఫూర్తినిచ్చి, మన మాతృ భాష‌ను అభివృద్ధి చేసుకునే విధంగా ప్రోత్సహిస్తుందని మేం విశ్వసిస్తున్నాం. తెలుగు భాషా వికాసానికి తెలుగు రాష్ట్రాల ముఖ్యమంత్రులు శ్రీ వై. యెస్. జగన్మోహన్ రెడ్డి గారు, శ్రీ కె.చంద్రశేఖర రావుల కృషి ప్రశంసనీయం. అంతర్జాతీయ ఖ్యాతిని ఆర్జించిన ప్రాచీనమైన తెలుగు (ఆంధ్రము) భాష ప్రతి తెలుగువాడి ఇంటి గడపలో ప్రకాశించాలి. తెలుగు వారికి జ్ఞానాన్ని అందించే దేవాల‌యంగా మన మాతృ భాష‌ భాసించాలి. తెలుగు (ఆంధ్రము) భాష వారసత్వాన్ని సమగ్ర విధానంలో పిల్లలకు వివరించడం ద్వారా, మన భాష‌ వారసత్వాన్ని వారికి అందించాలి. సుసంన్నమైన తెలుగు సంస్కృతి, సంప్ర‌దాయాల‌ విలువైన సంపదను యువ తరానికి అందించేందుకు మనం తప్పకుండా కృషి చేయాలి. మన భాషే మన సంపద…మన భాషే మనకు నిజమైన గుర్తింపు. తెలుగు భాష అభివృద్ధిలో మీ అమూల్యమైన సలహాలు ఎంతో ముఖ్యం. అలాంటి సలహాల కోసం మేం ఎదురు చూస్తూ ఉంటాం.

– డా.గజల్ శ్రీనివాస్. డి.లిట్ (అధ్యక్షులు),
ఆంధ్ర సారస్వత పరిషత్.